laugardagur, janúar 18, 2003  

Mikið ótrúlega er ég fegin að DJ. Ötzi tókst að gefa út nýtt lag. Húrra! Það er líka rosalega skemmtilegt. (ish) :D

Síðan langar mig rosalega í appelsínugulan kassagítar sem ég sá í blaði um daginn. Vá hvað ég myndi slá í gegn. Þarf bara að læra smá á hann fyrst og við höldum partí!

Ég er ekki alveg frá því að Sigríður Beinteinsdóttir prýði kápu bókarinnar Jói Dö og Begga beib. Hörmung er að sjá þetta. Bókakápur unglingabókmennta síðustu ára minna mig óheyrilega mikið á titla eftir Eðvald Ingólfsson eða Hans Hansen. Bækur eftir þann höfund lestu ekki í strætó, það er alveg á hreinu. Hver man ekki eftir Sjáðu sæta naflann minn eða Vertu góður við mig. Þetta var svona um 1980, þegar kynvillingur var opinbert heiti yfir samkynhneigða. Mér fannst alltaf Sjáðu sæta naflann minn svolítið skemmtileg en þorði aldrei að taka Vertu góður við mig á bókasafninu af ótta við svívirðingu. Kápan skartar nefnilega nöktu pari í "stellingum" og þar að auki er stelpan ber að ofan. Var ekki Vernharður Linnet að þýða þetta? OJ!

Mig langar að splæsa á sjálfa mig.. e.t.v. einn geisladisk? Eða DVD? Eða fleiri appelsínugul hljóðfæri? Komið með uppástungur! Þessar útsölufábjánur eru svo leiðinlegar að ég nenni ekki einusinni að skoða þær!

|Dagga| 15:06

---

 

Jibbí!

Til hamingju krakkar. Þið voruð æðisleg. FÁ verður rúllað upp. Halló sjónvarp!

Já, takk Lingur fyrir stuðninginn ;)

34 stig í ár og 34 aftur núna. Það er nú e-ð til þess að vera stolt(ur) af. Þessi hraðakeppni var alveg til fyrirmyndar. Veiðimálastjóri smeiðimálastjóri. :)
Geisp. Verð að sofa. Vinna á morgun (eftir). Já, svo er kórinn með tónleika í Fríkirkjunni kl 5. Maður kannski hendist þangað eftir vinnu? Aldrei að vita.
Aldrei verið svona þreytt á ævi minni. Verð - að - sofa ..

P.S: Stína frænka sá Leonardo diCaprio í London um daginn. Vó!

P.P.S. : Ekki sjá Analyze That. Þetta er það versta sem Robert DeNiro hefur gert! ( Að undanskildnum Showtime og Rocky And Bullwinkle. Þá var hann með einglyrni! )

|Dagga| 02:31

---

miðvikudagur, janúar 15, 2003  

ÓHEFÐBUNDIÐ ÁRAMÓTAUPPGJÖR FÁVITANNA. - KJÁNALAND 2002

Já, ég lofaði að koma með óvenjulega upptalningu á hversdagslegum afrekum almenningsins/stjórstjarna ársins 2002. Það er að vísu nokkuð liðið á hið nýja ár og satt best að segja var ég alveg búin að gleyma þessu. Þangað til að Erlingur byrjaði að nöldra. Og ég bara varð.

Trallar ársins.
Orðið ,,tralli” er leyniorð yfir eitt ákveðið karlmannsnafn sem 2 menn í lífi mínu hafa borið. Þessir menn eru það mikil kjánaprik að vert er að minnast á þá í þessu áramótauppgjöri. Glöggir lesendur vita um hverja er rætt. Þó les hvorugur þeirra þessa síðu en get ég ekki gasprað að vild. Það ætti samt að vera augljóst; sama nafn?

Tónleikar ársins
Ef ég ætla að vera ómenningarleg þá segi ég Stróks. Ef ég á annað borð ætla að vera menningarleg þá verð ég að nefna sígaunabandið Taraf Haidouks á Broadway á Listahátíð. Geðkt gaman. Ótrúlega slísí gæjar, þó vinalegir og geðveikislega góðir að spila á sorp. Bravó!

Útland ársins
Skotland. Fór til Aberdeen í sumar með Kórnum og hafði það geðkt næs. Síðan var ég víst sú eina sem virkilega fílaði þessa drykkjurafta þegar þeir komu í haust. Hver hefur ekki gaman af að kunna skoskar drykkjuvísur?

Bók ársins
How To Be Good eftir Nick Hornby. Já, ég er ein af þessum plebbum sem lofar hann óspart.

Lag ársins
Öhh.. ég var algerlega búin að mynda mér skoðun á því. Gleymdi því síðan jafnóðum. Hmm. JÁ! Silent Sigh með Badly Drawn Boy. Svo náttúrulega Someday með Stróks. Sumarlagið!

Versta lag ársins
Ókei.. hvar byrja ég? Ég veit að það myndi ekki falla í góðan jarðveg hjá X mörgum vinum mínum að dissa Britney og co.. en ég vil samt taka það fram að Dirrty með Christinu Aguilera er versta tónsmíð í heimi.

Plata ársins
Jafntefli. The Strokes – Is This It og Alanis Morissette – Under Rug Swept. Svo líka kannski Apparat Organ Orchestra..

Ógeð ársins
Silvio Berlusconi og Davíð Odds saman að labba á Þingvöllum. Bjakk! (Maður má kannski ekki segja svona? )

Mótmæli ársins.
Það var gaman að taka þátt í ,,Ísland úr NATO og herinn burt” mótmælum. Það mun ég sennilega ekki endurtaka, en leiðinlegt var einnig að þurfa að fá Kínverjana í heimsókn.

Útvarpsstöð ársins
Klassík FM. Svo var því lokað. Bara.. Múzík 88,5!

Viðbjóður ársins
Lemon Diet Coke, Pepsí Blue og Vanillukók eru ótrúlega fyndir drykkir. Sérstaklega af því að þeir voru settir á markað. Hver kaupir sér eitthvað blátt að drekka? Eða e-ð með súpersætu vanillubragði.. að maður tali nú ekki um sull sem bragðast eins og flugvélaservíetta?

Vitfirringur ársins
Hanna Birna Kristjánsdóttir, borgarfulltrúi Sjálfstæðisflokksins. Hvílíkt nutcase! Þessi kona heldur að hún vinni við að vera rosalega reið. Haha! Hún er aftur á móti bara brosleg. Ég hraunaði yfir hana þegar hún mætti í stjórnmálafræðitímann minn í rökræður. Ég sagði að SUS væri hlynnt tryggingakerfi innan heilbrigðiskerfisins. Hún gjörsamlega neitaði því í bak og fyrir þangað til að ég sýndi henni stefnuskrá susaranna og sannaði mál mitt. Hún frussaði m.a.s. smá á mig. Svo vissi hún ekki hver Franz Fischler er (Sjávarútvegráðherra ESB) og sagði síðan að hann hefði alls engin völd innan ESB því Silvio Berlusconi og svoleiðis harðstjórar réðu öllu þar á bæ. Ég var næstum beðin að fara þegar ég spurði hana hvort Davíð væri ekki örugglega góðvinur hans. Þá byrjaði hún að kalla mig ESB uppsleikju –fól eða e-ð álíka prófessjonal. Erlingur, sama hvað þú segir, hún er algjör lúði!

Pólitísk réttvísi ársins
Blökkumenn og aðrir minnihlutahópar hirða öll merkileg Óskarsverðlaun (að Ron Howard undanskildnum, að sjálfsögðu). Ekki misskilja.. þau áttu þetta algjörlega skilið. Samt fyndið, því það þorði enginn að mótmæla neinu. Hver elskar ekki Kanana?

Sjónvarpsþættir ársins.
The Bachelor. Ég get ekki beðið eftir næstu seríu!

Amazon screw-up ársins
5 Dariu-videospólur brotna í pósti. Skaði ómetanlegur. En allt fór þó vel að lokum og á ný get ég notið mannskemmandi teiknimynda.

Vatnslitari ársins
Erlingur Óttar Thoroddsen fær viðurkenningu fyrir stórkostlegt framtak á sviði geisladiskahönnunar.

Stílhreinasta manneskja ársins
Ragnheiður Ragnarsdóttir fyrir að vera smart!

Föndrari ársins
ValaSvala Steinsen. Viltu kannski annan titil? Þú veist að Dags* bolurinn er bara of flottur! Go pro girl!

Vestur-Íslendingur ársins Leikkonan Scarlett Johansson. (Ghost World, Eight-Legged Freaks). Takið eftir að það eru 2 S í Johansson. Hún er samt ekki frá Gimli, Manitoba.

Versta Sjónvarpsefni ársins.
At-ið. Þetta er góð tilraun, en ber þess merki að vera verkefni einhverra krakka í Hagnýtri Fjölmiðlun. Reyndar fékk ég að vera með í einum þætti í 2 mínútur eða svo. En ég virkaði einum of kjánaleg þessi nokkru myndbrot. Sjónvarpsmyndavélar og ég? Ónei.

Lélegasta og ljótasta vefsíða ársins
Án efa www.nfmh.is - DRASL!

Öskrari, dúllari, og vanmetnasti bloggari ársins.
Ég. Algjörlega.

|Dagga| 23:43

---

mánudagur, janúar 13, 2003  

Jámm.

Ésús hvað þetta var rosalegt fyllerí á laugardeginum. Ég fór náttúrulega yfir strikið eins og venjulega þegar ég má hvað síst við. Eftir svona 4 breytist ég í hana Dagbjörku sem er ferlega illa við Dagbjörtu. Þess vegna gerir hún lítið úr mér og reynir alltaf að láta mig detta og segja hlutina kannski 5x of hátt. Og þegar hún segir eitthvað þá eru það yfirleitt fúkyrði. Þannig að þau sem urðu e.t.v. fyrir því að ég skyldi kalla þau pjöllur... sorrí gæs!

En nóg um ævintýri helgarinnar. Það var einkar gaman í kórpartýi og sópraninn með lélegt atriði eins og alltaf. Altarnir (og allir hinir líka) voru æði, en næst verður sópraninn með eitthvað aðeins metnaðarfyllra, við lofum því.

Æjá.. listinn.. best að gera hann núna....

|Dagga| 17:15

---