sunnudagur, mars 23, 2003  

Ég er að brugga launráð hægri vinstri ......

Við Sandra ætlum að hafa mjög skemmtilega þemaviku sem hefst á þriðjudaginn og mun hertaka bloggsíður vorar. framtakið er ekki af verri endanum ef mér leyfist að segja frá. Síðan er ég að fara út í pólitískar aðgerðir ásamt m.a. samherja og flokksandstæðingi mínum, Önnu Tryggva. Mikið í gangi þar líka.
(geisp) Óskar í kvöld. Ætla ekki að horfa. Gangs of NY tekur allt. Oj bara.

|Dagga| 21:11

---

föstudagur, mars 21, 2003  

æji..

Þessir tveir atburðir sem voru að fara að gerast, þeir eiga sér stað í kvöld. Og ég er aumingi með hor.

Þannig er nú mál með vexti að ég er drulluveik. Gott á mig. Fékk snert af kínversku lungnabólgunni og má þakka fyrir að vera á lífi. Andsk..

Nú, svo voru MS-ingar hlutskarpari í GB í gær. Sem er synd. Þó mega Ásbjöggn og Úlfur eiga það að þeir voru meira en verðugir andstæðingar. Annað má nú segja um blessuðu stúlkukindina sem er þarna með þeim. Úpsadeisí. Hún svaraði einni spurningu. MS fellur úr keppni í úbartinu á næsta ári; bíðið bara.

|Dagga| 12:42

---

fimmtudagur, mars 20, 2003  

Jæja nú hefur Sandra Ósk bæst í hóp bloggara og er það vel. Skoðið síðuna hennar! Prinsessan í Sandkastalanum er hvergi bangin!

|Dagga| 10:46

---

þriðjudagur, mars 18, 2003  

OJ! Mér hefur bara sjaldan verið jafn misboðið og í gær. Það er opinbert; George Walker Bush er klipptur út úr ostalegum sjónvarpsþætti.

Fyrir ykkur sem efist ekki um ágæti Ameríkunnar þá vil ég bara segja eitt: Í Bandaríkjunum búa 280 milljónir manna; þar af eru 100 milljónir algerir fávitar! (-Michael Moore)

Ræða Bush í gær var fyndnari en Kastljóssþáttur Davíðs um daginn og þá er nú mikið sagt. Aldrei hef ég heyrt einn mann tala heimskulega í jafn mikilli einlægni um svo alvarlega hluti. And I quote: "If there are any Iraqi people listening... (blabla skítur) .. I will promise you that the American Nation will free you from poverty and (blabla) we will give you the proper medicine and food..."
Þið vitið hvað ég er að meina. Síðan endaði hann ræðuna á þeim fleygu orðum "..and may God continue to bless America!" Leyfið mér að æla. Og ekki er nú Tony Blair skárri! Ég mun ekki vinna fyrir breska verkamannaflokkinn fyrr en þessi maður er farinn frá völdum.

Annars voru hörku mótmæli í morgun fyrir framan stjórnarráðið. Var tekin í viðtal fyrir úbartið af þessum frækna manni (sem er nota bene GB dómarinn í ár fyrir þá sem ekki vita). Ég stamaði ekkert hrikalega.. vona ég. Annars var ég þarna í góðum fíling með skilti og alles og hafði ráðherra að háði og spotti. Slagorð á borð við "ÍRAKINN ER VINUR MINN, EKKI DOLLARINN" og "EKKERT BLÓÐ FYRIR OLÍU" voru vinsæl. Oh krakkar, það er svo gaman að vera ungur, reiður og óheflaður. Svo er bara að sniðganga bandarískar vörur. Ekkert kók né pepsí, bara bónus-kóla. Enda fyrirtaks drykkur!

|Dagga| 14:11

---

mánudagur, mars 17, 2003  

Æj!!

Hvað á ég að gera? Ég er í svo miklu hassi hérna að ég er að deyja!

Þannig er nú mál með vexti að 2 atburðir stangast á. Og mig langar jafn mikið á báða.

á ég að...:
a) fara á þann sem kostar 5000 kjell (brúttó) eða b) þann sem kostar miklu miklu minna og býður upp á mat?

Garg! Þetta er klípa í lagi!

|Dagga| 22:39

---