laugardagur, maí 17, 2003  

Sumarið hefur gengið í garð. It´s official! Fór vinnuna í gær og get ekki verið sáttari við ástandið í augnablikinu. Miðað við atvinnuleysi jafnaldra minna út um allan bæ, verður maður að vera himinlifandi yfir fullu starfi á þessum líka ljúfa bókasafni. ÞAR SEM MAÐUR GETUR LESIÐ! ...svona af og til.

Ég var nefnilega alveg að fara yfir um þegar ég var í daglegri morgunuppröðun í gær. Áður voru 15 bækur í biðhrúgunni minni (ólogið), nú eru þær 26. Þar af 2 nýjar Michael Moore bækur og er orðin forfallinn aðdáandi. Sjúklegasjúklegasjúklega. Stuð!

Ég er því sannarlega öfundsverð út af atvinnu minni, en ekki þó jafn mikill lukkunar pamfíll og hún Sandra Kim hérna. Enda fær hún að leika listir sínar fyrir æsku Reykjavíkurborgar. Ekki amalegt það.

Nú verður að tjútta í kvöld. Fór að sofa fyrir miðnætti í gær (á FÖSTUDAGSKVÖLDI!) og verð því að bæta næturlífinu upp fjarveru mína. Heyrst hefur að ungir jafnaðarmenn ætli sér að setjast að á ónefndum stað og drekka ónefndan bjór!? Og þar verður sólarsambastemning. úha.

Svo fékk ég símtal frá Birgittu í gær og hún er nett spæld vegna þess að ég var að dissa hana þarna í fyrradag. Hún sagði mér að hún hefði sko alveg farið á förðunarnámskeið á Húsavík ´97 og þar sem ég væri ekki jafn sæt og hún ætti ég að hætta að gagnrýna hana. Þá sagði ég henni nú bara, að fyrir hönd okkar ljóta fólksins á Íslandi mætti ég alveg vera bitur yfir hennar fegurð og blogga eins mikið um augnskuggann hennar og mér sýndist. Ég meina, til hvers eru blogg?

Þá skellti hún á mig.

|Dagga| 16:26

---

fimmtudagur, maí 15, 2003  

Ég hef ákveðið að halda með Austurríki í Júróvisjon. Það verður ekki aftur snúið. Bakraddasöngkonurnar hafa sigrað hjarta mitt og slamm-kaflarnir eru alveg til að deyja fyrir. Og textinn! ,,Von Dromedar, aus Afrika!"

Við höfum nú átt leiðinlegri framlög í þessa keppni, það verður að segjast eins og er. Verst hvað Birgitta er illa talandi á enskri tungu, auk þess sem að fatasmekkur hennar er fyrir neðan allar hellur! Varla nýjar fréttir sosum..

Ekki að maður dæmi fólk eftir klæðaburði, en manni eru nú takmörkin sett. Heyrst hefur frá áreiðanlegum heimildum að hún krefjist þess að fá að sjá alfarið um sína förðun; enginn förðunarmeistari hefur fengið að snerta fésið á henni. Sem væri ókei ef hún kynni að mála sig. Það fer að verða algengt hugtak förðunarheiminum í dag að tala um ,,að taka eina Birgittu á þetta". Þá er verið að ræða um þennan hvíta ógeðsaugnskugga sem hún lætur alltaf í augnhvarmana. Finnst einhverjum þetta kúl? Þvottabjarnarlúkkið dó árið fokking ´98! Hún er alltaf svona, hvert sem hún fer! Allt sem maður sér - ha?!

Jæja, hún verður að fá að vera ljót í friði.

Ég vil bara að hún drattist til að vinna þetta fyrir okkur og fyrirlít ég því stúlknadúettinn Tatu. Því að sjálfsögðu eiga þær eftir að taka þetta. Eins mikið og ég styð frjálsar ástir, þá er þetta nú fullmikið að hinu góða. Eins og ég gæti ekki farið og sungið lag með vinkonu minni, sleikt á henni hálsinn af og til, meikað steitment um kanínulíferni og orðið heimsfræg? Á nóinu.
En svo gæti ég náttúrulega líka alveg orðið næsta Birgitta Haukdal......

|Dagga| 21:14

---

þriðjudagur, maí 13, 2003  

Ég verð að tjá hrifningu mína yfir þessu framtaki. Jakob Ómarsson, þetta er alveg ferlega sneddí. Um er að ræða persónulýsingu á nokkrum vel völdum MH-ingum er Kobbi kannast við. Hann er nú bara kominn í D-ið og ég vona að hann nenni að klára þetta. Ef þið lesið úttektina á mér (fyrir neðan viðbjóðslegustu mynd sem nokkurntímann hefur verið tekin af mér) er það einhvernveginn á þessa leið:

Dagbjört Hákonardóttir er Samfylkingarkona. Hún er mjög klár og veit hvað hún er að tala um. Það er ekki hægt að rökræða við hana því hún veit alltaf meira um málin en ég.

Er þetta kaldæðni? Vonum að svo sé ekki. Þá segi ég bara, takk Kobbi, þú ert líka æði.

Eitt pirrar mig þó. Ég má nú svosem kenna sjálfri mér um það, að almenningur þekki mig núorðið aðeins undir merkjum Samfylkingarinnar. Flestir sem hafa gefið sig á tal við mig undanfarið vilja bendla mig við Samfó eða úthúða mér fyrir pólitískan plebbaskap. Eða einfaldlega biðja um stefnumál flokksins. Það hefur ekki verið leiðinlegt, enda finnst mér alveg gaman að pólitík. En ég hef líka áður sagt að ég er flying-kerazy þegar kemur að einhverjum rökræðum og ég býst við að fólk sé farið að fá leið á endalausu skrafi um mis-mikilvæg málefni, rétt eins og ég sjálf.

Til dæmis tel ég það vera hluti af minni skyldu gagnvart flokknum (hljómar svolítið kommalega?) að verja málefni hans á þeim lágkúrulega spjallþræði á nfmh.is. Ekki aðeins eru ótrúlega margir nýnasistar þar á ferð sem nauðsynlegt er að þagga niður í, heldur var maður að reyna að fiska 5-10 atkvæði. Og hvað gerðist? Jú, margir hafa komið til mín og sagt mér að þeir hafi kosið SF, m.a. vegna e-rs áróðurs míns á nfmh.
Svo get ég bara ekki staðist þá freistingu að úthúða ónefndum frjálshyggjugimpum út í bæ. Hah.

Mér líður svolítið eins og Sporty Spice. Henni fannst gaman í fótbolta, hélt með Liverpool og gekk í Adidasskóm. Hún fékk síðan aldrei að klæðast öðru en jogginggöllum því hún þurfti natúrlígvís að lifa eftir ímyndinni. Æ bleh. Muniði bara að ég, eins og aðrir, fæ hundleið á pólitík.

Svo gerðist ég áskrifandi að Veru í gær. Skil ekki af hverju ég er ekki löngu búin að því. Nú hlakka ég til að eiga milljón pappahólf full af gömlum Veru-árgöngum. Og í kaupbæti fæ ég diskinn Stelpurokk. Göðveikt.

Nú kveð ég ykkur. Þarf að fara á ungliðafund..

|Dagga| 20:35

---

mánudagur, maí 12, 2003  

Það munar einu prósentustigi að ég fái ekki að þreyta stærðfræðiprófið. Ég kenni Bandaríkjunum um. Enda mun ég massa þetta með 8, sjáiði til.

Ég var að horfa á milljónasvindlarana í sjónvarpinu í gær. Þetta voru mestu fokking kjánaprik breskrar sjónvarpssögu (á eftir framleiðendum Byker Grove). Ég er nefnilega ein af óheiðarlegustu mannverum á jörðinni. Ég mæti með svindlmiða í próf og það kemst aldrei upp. Ég fer yfir á rauðu þegar enginn sér til. Ég lýg um atvinnu í ísbúðinni til að fá innanhússafslátt á linsum í Kringlunni. Ég borða oft kleinur í Hagkaup án þess að borga fyrir þær. Ég er með mjög vonda siðferðisdómgreind og er þess vegna heví lagin við að svindla.

En það er ekki hægt að svindla í Viltu vinna milljón. Til sigurs skyldi hósta, en fór það illa með majórshjónin. Þvílíkir fávitar. ,,Þetta er alveg pottþétt A, já ég held það. Skyldi þetta samt vera B.. eða C... eða kannski D (HÓSTIHÓST!) .. já þetta er alveg örugglega D..." Geðsjúku fífl.

Jæja.. lograrnir kalla....

|Dagga| 23:32

---