laugardagur, nóvember 15, 2003  

Nú er DéHá að vinna

Afspyrnu lítið að gera á barnadeild Bókasafns Kópavogs á þessum vetrarsólbjarta laugardegi. Leikjatölva deildarinnar er sem betur fer biluð og þarf ég því ekki að bregða mér í nasistahlutverkið og stilla til friðar eins og svo oft áður. Planið var að henda saman eins og einni grein, skoða DV og Séð & Heyrt. Já, Séð & Heyrt. Skyldulesning hins meðvitaða Íslendings.

Nú er ég hinsvegar að lesa O-Magazine, sem er málgagn sjálfrar Opruh Winfrey. Að þessu sinni klæðist hún flauelisgardínum á forsíðunni sem tónar svona la-la við alla fótósjoppunina. Innihal-d blaðsins er samt ekki alveg af verri endanum en ég viðurkenni fúslega að þetta hentar ekki alveg mínum 18-25 ára markhópi. Og þó, ég var nú farin að lesa Hjemmet, Hello og Alt for damerne um 7 ára aldur þannig að þetta fúnkerar alveg. Eitt er þó víst, að ég mun aldrei hætta að lesa Hello. Aldreialdreialdrei.

Rétt í þessu held ég á bókinni Girl With a Pearl Earring sem er að hluta til byggð á ævi Hollenska listmálarans Johannes Vermeer. Ó, hve ég þrái heitt að hlamma mér í bláa sófann með teppið mitt ásamt tei + suðusúkkulaði og lesa. En nei. Náttúrufræði 133 bíður heima og heimtar óskipta athygli mína. Og 6-8 blaðsíðna ritgerð óskrifuð - aðeins 2 vikur eftir af skólanum. Sjiiiiitt...

En bók þessi kemur út á ástkæra ylhýra núna um jólin og hefur fengið prýðisdóma. Ég neita því samt ekki að kvikmyndun bókarinnar með Colin Firth í aðalhlutverki hvatti mig frekar til lesturs en annað.....

|Dagga| 14:22

---

föstudagur, nóvember 14, 2003  

Pant ekki vinna hjá Sparisjóði Hafnarfjarðar

Tvö bankarán á einu ári... Ésús. Vonandi girnist enginn auðlegð Bókasafns Kópavogs enda myndi ég fríka hressilega út ef lambúshettubófi kæmi með hníf og ....

Ég er víst engin hetja.

|Dagga| 15:19

---

fimmtudagur, nóvember 13, 2003  

Sgoo.....

Svona áður en ég held áfram þá biðst ég velvirðingar á ömurlegum rógburði hér fyrir neðan á Idol keppendum. Víst er óæskilegt að tala illa um nánungann og ég veiti þessum sprundum leyfi til að tala illa um mig anítæm. Dagg.

Að öðrum málum. Í dag hefur bloggerpúnkturkom valdið mér ama og óeirð mikilli sökum verkfalls. Hvetur þetta mig eindregið til að losna úr höndum hans til annarra yfirvalda. Hygg ég á plön síðar.

Dagurinn í dag er grár. Hann byrjaði ágætlega og honum á sennilega eftir að ljúka prýðilega. Aftur á móti var ég alveg að krepera í morgun og fékk útrás á bræði minni þegar ég bætti Mararþaraborgarmet kvenna í lakkrísrúlluáti. 16.1 sekúnda. Magnaður andskoti. Karlamet ku vera 6 sekúndur. Ég ætla mér ekki mikið lengra sökum þess að ég var nær dauða en lífi í tilraunastarfsemi af þessu tagi í gær. Ég bjóst alveg eins við því að ég myndi kafna á bleikri Sambó-kremrúllu í miðri morgunuppáhellingu.

Það eru nú alveg til verri örlög, svosem.....

|Dagga| 13:48

---

miðvikudagur, nóvember 12, 2003  

Hvað er málið með Æslendik Ædol?

Ég viðurkenni að ég horfi stundum á Idol þegar ég get. Og hef lúmskt gaman af. Mér fannst fyrstu þættirnir töluvert skemmtilegri enda fátt en að horfa á fólk niðurlægja sjálft sig svona í sjónvarpinu. Samúð mín var fyrst um sinn hjá færeyska nýbúanum Gúðríði og ákvað ég þ.a.l. að halda með henni. Síðar kom í ljós að hún er aaaaalltof góð með sig til að verðskulda áframhaldandi sigurgöngu.

Önnur manneskja sem er alveg sprengir montskalann er manneskja sem var með mér í Smáraskóla. Ég las viðtal við hana í sérriti Séðs og Heyrts og ég átti ekki orð. Stúlka þessi telur sig vera fullkominn handhafa Ædolstitilsins, ásamt því að segjast státa af sérstökum víbrató, ólíkt öðrum keppendum. Túsjei. Svona gefur mér ástæðu til að sniðganga hana þegar kemur að kosningunni. Ein önnur sem ég hvet ykkur til að kjósa ekki er þessi. Af hverju? Jú, hún hefur komið fram í a) Ungfrú Reykjavík b) LoveGúrú myndbandinu á bikiníi. Ég veit ekki alveg sko.. ekki minn tebolli. Einn mann skulið þið samt endilega kjósa...

... og hann heitir Helgi Rafn og er frændi minn og skólabróðir. Hann á líka dágóðan séns á sigri, enda heyrði ég stelpur tala um hann í kvennaklefanum um daginn. Kölluðu hann Njálugaurinn. Hann er líka laus við þennan hroka sem einkennir flesta keppendur. Svoleiðis fólk á skilið að vinna. Ég hef aldrei kosið í þessu, en eyði sosum 99 kalli í hann.

Núna ætla ég að hætta að tjá mig. Idol.. ég hlýt að vera eitthvað verri....

|Dagga| 14:06

---

mánudagur, nóvember 10, 2003  

Akstursmatur

Ég var að spjalla við Ms. Sand áðan sem benti mér á ágætis ökukennara. Þarf nefnilega að skella mér í akstursmat, sem er óttalegt kjaftæði. Búin að vera útrunnin síðan í ágúst og það ku ekki vera ráðlegt. Endurnýjunin á sjálfu skírteininu er alveg nógu mikill pakki; og í ofanálag bætist þetta við! Umferðarstofu þykir ekki leiðinlegt að blóðmjólka buddur ungra námsmanna.

Verst er þó að ég þori ekki að hafa samband við gamla ökukennarann minn. Fyrir það fyrsta sagði hann oft setningar á borð við "Ætlarðu að eyðileggja bílinn minn?" eða "Þetta er hættulegt! Ætlastu til þess að ná prófi með þessu áframhaldi?" Svo nenni ég heldur ekki að játa á mig 2 umferðaróhöpp. Það átti sosum ekkert að hleypa mér út á götuna í denn, en ég er drullugóður bílstjóri í dag. Syrjið bara fólk á borð við Hjalta eða Mömmu.

Friðrik Söndruökukennari var samt svona líka hress og sagðist ætla að ná í mig á eftir kl. 5. Þabbaraþabb! Samdægurs og allt. Líst mér á það.. vona bar að ég klessi ekki á ljósastaur eða lítið barn. Vonandi tekst mér að muna eftir and&$%# hægri reglunni.

Bæti síðan við nýju fólki, enda báðir aðilar MH-veteranar. Orra Té fyrir að kalla mig dásamlega og Svanhvíti fyrir að kommenta. Svo fær Steinar uppáhaldskínverji óvæntan glaðning. Yndislegt, allt saman.

|Dagga| 15:59

---