laugardagur, apríl 23, 2005  

Kvefdrusla

Hér situr maður með Ólaf Lár í kjöltunni, sýgur upp í nef og sýpur te. Það var ekki nema von, að sjálfsögðu nær maður sér í kvefdruslu númer tvö á of skömmum tíma.

Og því lepur maður jurtaseyði ýmis konar. Eins og minn ástkæri segir: Þú setur Te -ið í stelpa!

Og mér fannst þetta svo vel mælt að ég bara varð að deila því með umheiminum. Hann er mælskur, strákurinn.

|Dagga| 22:48

---

föstudagur, apríl 22, 2005  

Ten more years!

Partí í kvöld í ráðherrabústaðnum við Lækjargötu. Tilefnið ekki af verri endanum, enda 10 ára afmæli stjórnarsamstarfs Framsóknar og Sjálfstæðis ekkert slor.

Vá, mig langar til að vera þar fluga á vegg. Eða gengilbeina sem skenkir í glös.. em nei.

Svo verður þrefalt húrra fyrir samstarfinu. Eða jafnvel tífalt. Spurning hvort maður taki ekki bara skiltin síðan í mars með sér og mótmæli eins og einu stykki stríði meðan fínar frúr í pelsum ganga upp steintröppur í fylgd medalíuskreyttra herra sinna.

En ég á ekki pels, þannig að...

Kaflar úr kröfurétti er álíka heillandi lesefni og Annað bindi Búfræðingatalsins. Íjúú.

|Dagga| 16:00

---

miðvikudagur, apríl 20, 2005  

Úlfur, úlfur....

Keypti einhver þetta?
Hélt ekki. Fannst eins og eitthvað hefði dáið innra með mér þegar ég ýtti á publish.


Ha ha ha, gott grín. Eða ekki.


En yfir í aðra sálma. Alltaf finnst manni óhugnalegt að sjá fólk á sama aldri og maður sjálfur á síðum minningagreina.

Verra er að þekkja til fólksins. Ömurlegt, alveg.

|Dagga| 13:33

---

þriðjudagur, apríl 19, 2005  

Æ

Ég er að hugsa um að hætta að blogga. Búin að vera að þessu í hátt í 3 ár, lengur en flestir og tími til kominn að segja bless.

Þannig að... já. Ætli ég syngi ekki bara mitt síðasta hér í dag?

Tralala.

|Dagga| 11:16

---