|
daria * blogg hégómans
|
|
fimmtudagur, maí 25, 2006 Ein pirruð Það er ljóst að ég mun neita að horfa á allar niðurstöður kjörkassatalninga í kosningasjónvarpi laugardagsnætur nema Hafnarfjarðar. Skál fyrir Hafnarfirði!! Og Gautaborg! Ljóst var að þunglyndisskyndiákvörðun þessarar prófatarnar var í hárrétta átt. Í landi Söndrunnar, Saabsins og sósjaldemókrata var tekið á móti mér með H&M og hellidembu sem veitti mér mörg tilefni til að flagga Evrópuregnhlífinni. Ljóst er að nordisk samarbejde hefur heillað mig of mikið og mig langar af þessu landi, lige nu, skiluru? Ýmislegt var brallað á Skandinavíuskaga. Belle&Sebastian voru yndisleg og svo allt allt allt öðruvísi en maður hafði gert sér í hugarlund. Kósí evrasískir staðir þar sem máltíðin kostar lítinn pening heilla unga snót eins og mig. Júróvisjón særði blygðunarkenndir íslenskra stúlkna í sænsku grænmenmetispitsufjölskyldupartíi. Ljóst er að í góðra vina hópi og vinalegu Norðurlandi verður maður þess uppvís að grundvöllur fyrir áframhaldandi búsetu á Fróni er takmarkaður, eins ágætt og það er. Þúsund kossar til Gautaborgarbúanna sem halda á mölina eftir aðeins örfáar klukkustundir. Þetta verður þrælfínt sumar hjá okkur held ég! Krakkar - geriði það fyrir mig - ekki vera vitlaus. a) Falleg málefni b) Fáir nöttarar c) Fallegt og gáfað fólk d) Rauðar rósir X-S X-S X-S ..... eða bara allt nema exdé. |Dagga| 22:31 |