föstudagur, júlí 18, 2003  

Ég held að Guðjón Arngrímsson sé í ömurlegasta starfi landsins. Mér myndi allavega ekki þykja gaman að þurfa að svara fyrir óþekktarangafyrirtækið Icelandair í hverjum fréttatíma. Upplýsingafulltrúar fyrirtækja eru sosum ráðnir til að vera í víglínunni og meðtaka skít ýmis konar, en í þessu tilviki er Guðjón andlit hinnar íslensku karlrembu og óheiðarlega samkeppnislagabrjótsins. Farðu bara að skrifa bækur Guðjón minn. Flýðu meðan þú getur!

Fyndið samt að orðið ,,karlremba" skuli vera kvenkynsorð. Hm.

Mig dreymdi draum í fyrrinótt. Venjulega man ég ekki eftir draumum mínum en þessum er ekki hægt að gleyma...:

Nonni og Ég (fliss.. )
Ég er að labba úr bakarísbúllu Stigahlíðar. Ég er í skólanum og er orðin of sein í einhvern félagsfræðitímann. Læt mig það engu varða og maula það sem ég kaupi mér vanalega - þurra skonsu með bragðlausum smurosti. Ég fer yfir götuna en er keyrð niður af Landkrúserjeppa. Ég dey næstum, en ökumaðurinn bjargar mér með Heimlich-taki. (Jájá..) Ég geri mér ekki grein fyrir andlitsdráttum ökumannsins/morðingjans í fyrstu, þar sem ég ligg í andarslitrum mínum. EN - Ökumaðurinn/morðinginn er enginn annar en Jón Steinar Gunnlaugsson! Og þegar hann sér hver ég er stekkur hann upp í bílinn sinn og valtar nokkrum sinnum yfir mig. Síðan komu Cliff Richard og Janet Reno og tóku til eftir hann. Cliff kláraði skonsuna.

Allt endar þó vel, því ég geng aftur og ofsæki hann. Stel gleraugunum hans og svona. Jájá.

Reyndar verð ég að játa að draumurinn á sér hliðstæðu í raunveruleikanum. JSG var næstum því búinn að keyra mig niður í Stigahlíðinni skömmu fyrir kosningar. Ekki þó á jafn-eftirminnilegan hátt.. en hann notaði flautuna. Ég sendi honum ískalt lúkk. Og labbaði yfir götuna.

Ein spurning að lokum:
Hversu púkalegt er að kaupa greitest hits diska? Er maður þá að kaupa eitthvað hrikalega passé?

Ég er fátæk..

|Dagga| 01:43

---

miðvikudagur, júlí 16, 2003  

Bókmenntahorn Dagbjartar

Ég fíla ýmsar fagurbókmenntirnar í tætlur. Nýlega bættust 2 eintök í annars-fátæklegt safn mitt og er það vel:

*Gegn ofurvaldi - Baráttusaga Boris Jeltsíns
Þessi sjálfsævisaga hans stiklar á stóru í kosningabaráttum ýmis konar. Hetjuleg framganga þessa gífurlega heillandi leiðtoga hefur markað sín spor í sögu frelsisbaráttu kúgaðra Sovétlinga og er þetta hrífandi lesning....

Valdaklíkan ætlaði að ganga af Jeltsín pólitískt dauðum en hann sneri dæminu við, fór einn á móti straumnum og réðist til atlögu gegn alræðiskerfinu. Þegar klíkan gerði tilraun til valdaráns stóð Boris eins og klettur í hafinu. Maðurinn, sem Gorbatsjov hafði ætlað að dæma endanlega úr leik, varð til þess að bjarga honum og tryggja áframhaldandi lýðræðisþróun í Sovétríkjunum....

Og þýðandi er Veturliði Guðnason. Ekki er það nú verra, maður sér nú lítið kreditað eftir hann nú á dögum.

*Dallas Konurnar eftir Burt Hirschfield.
Þessari bók fann ég á förnum vegi og tel hana skyldulesningu fyrir allt Dallasáhugafólk. Hér er rakin mikilfengleg saga þessara sterku kvenna sem ekki áttu alltaf sjö dagana sæla...

Sue Ellen: Glæsileg og greind, eiginkona JR, elsta sonarins. Hún hefnir fyrir lauslæti og framhjáhald JRs á sérkennilegan hátt
Lucý: Eina barnabarn Ellýar og Jocks. Hún er full af gáska og skringilegum uppátækjum. Lucý, ung og ljóshærð og sem alltaf vill komast í ný ævintýri.
(Ég vil taka það fram að þessi texti er því miður ekki minn.. listalega skrifaður, alveg.)

Ég held að ég hafi séð Victoriu Principal og Larry Hagman saman í Hallmark mynd um daginn. Og ég á líka alltaf eftir að sjá sjónvarpsmyndina miklu JR Returns og meistaraverkið Dallas: War of the Ewings .

Já, svo þótti mér nú JR alltaf dáldið myndarlegri en Bobby.

.......ég sagði þetta ekki....................

|Dagga| 03:37

---

þriðjudagur, júlí 15, 2003  

Ég á grein á pólitík í dag. Þetta er bara það sem mér finnst...... og ég hef það á tilfinningunni að a.m.k. 3-4 séu sammála mér.

|Dagga| 11:02

---

mánudagur, júlí 14, 2003  

Nu har hun Dagga fødselsdag, hurra, hurra hurra....

Núna fagnar gjörvöll þjóð Frakka og einnig e.t.v. Írakar. Fánar flagga í Svíþjóð og heimsbyggðin er að tapa sér í gleðikasti. Hvers vegna? Nú, afþví að hún ég er orðin árinu eldri!

Á þessum degi á því herrans ári 1984 fæddist þáverandi hjónunum Hákoni Gunnarssyni og Katrínu Björgvinsdóttur meybarn og var það þeirra frumburður. Katrín sá (sér til mikils hryllings) að afkvæmið hafði erft kartöflunef hennar en misst af grænum augum. Barnið hlaut nafnið Dagbjört, látinnar móðurömmu til minningar og sömuleiðis festist gælunafnið Dagga við krógann líkt og hjá ömmunni. Foreldrarnir gerðu sér hinsvegar ekki grein fyrir því að þau höfðu kallað bölvun yfir krógann, því stúlkur sem þetta gælunafn hljóta verða að gera sér grein fyrir undarleika eigin nafngiftar.

Dagga er nefnilega sjöunda algengasta hugtak yfir kannabis í heiminum.

En ég harma Döggunafnið sosum ekkert í dag þótt mörgum þyki það fáró. Ég hef nú oft velt fyrir mér absúrdleika þess að nefna sig með lýsingarorðinu Dag-björt, en Dagga er ókei, ágætt að vera einstök vonns in a væl. Ég þekki allavega ekki aðrar Döggur. Nema kannski þessa. Nei ég þekki hana ekki rassgat. Hún bara rændi urlinu.

Nú ættu allir að vera búnir huga að veglegri afmælisgjöf handa mér. Óskalistarnir eru hér fyrir neðan og ég nenni ekki að skrifa þá upp aftur.
En það er eitt sem mig langar ógeðslega ógeðslega ógeeeeðslega mikið í....

... og það er Lacoste pólókjóll. Eins og Gwyneth Paltrow átti í The Royal Tenenbaums. Tilhugsunin ein fær tárin til að streyma því þetta er eitthvað sérsaumað drasl sem kostar skrilljón tíkalla. En ég býst ekki við að þið nennið að redda mér slíku dressi. Gefið mér þá bara kexpakka.

Síðan vil ég vekja athygli á öðru afmælisbarni útí bæ. Hún startaði athyglisverðum umræðum um mig fyrir skömmu sem leiddu af sér frekar skarpar ættfræðipælingar. Hún er vinnur víst líka á bókasafni (Hverjir eru ekki að vinna á bókasafni þessa dagana? Its skerí..) og er helmingi eldri en ég. Samt ætla ég að gefa henni link í afmælisgjöf við hlið Nönnu Rögnvaldar því þær eru vinkonur. Vesgú, og til hamingju með að eiga svo fallegan afmælisdag.

Og nú heimta ég að fá afmæliskveðjur. Þær má flytja mér í formi:

*Tölvupósts (dagga_h@hotmail.com)
*Essemmöss (6958414)
*Símtals
*Persónulegrar kveðju (Gullsmári 5 201 Kópavogur eða Bókasafn Kópavogs, Hamraborg.)

Eða bara í djöfuls kommentakerfinu fyrir neðan.

(Þeir sem mig sniðganga verða kýldir í magann. Ójá.)

|Dagga| 02:30

---