föstudagur, október 24, 2003  

Haha ýkt findið...

Ég var að fá skeyti frá hinum sívinsæla Plúsi, ferlega skentlegt sem endranær. Nema hvað, þeir vildu vita hvern ég vildi sjá sem Forseta Íslands á næsta kjörtímabili. Þar voru nefnd einhver 30 nöfn og eitt þeirra var Bryndís Hlöðversdóttir, þingflokksformaður Samfylkingarinnar og móðir bræðra minna.

Ég merkti þokkalega við hana. X-Bryndís :)

Síðan hef ég tekið smá til í tenglasafninu. Og já, bjóðum Atla Bolla aftur velkominn í Efsta Dálk (Ertu núna ánægður, væni??) ásamt Atla Tý og Röggu. Og hef ég þá fjarlægt aðra sem ekki hafa linkað á mig. Svei ykkur, skítseiði!

|Dagga| 11:52

---

þriðjudagur, október 21, 2003  

ÓMÆGOD Corky er dáinn!

Ég sel það ekki dýrara en ég keypti það, en Vala sagði mér þetta áðan. Hún vissi fátt annað en að dánarorsök væru í tenglsum við of stóran skammt af kókaíni! Ha?? Aumingja Corky.... Hann hefur snappað á tilverunni. Verandi með Downs-syndrome og allt það. Ég fílaði alltaf Life Goes On í gamla daga; mánudagskvöldin voru allavega frátekin hjá mér í 3. bekk.

Fáránleiki!!

Ég er akkúrat núna stödd í stjórnmálafræði og jafn mikið roknastuð eins og endranær. Við erum að horfa á ansi merkilega heimildamynd um Reagan-Gorbatsjov fundinn í Höfða 1986. Þess má hinsvegar geta að ,,heimildamynd" þessi er leikin. Af henni má því dæma að Gorbi var flúent í upper-class bresku og Ronald Reagan var mjög annt um mannréttindi alheimsins. As if.
Þetta er alls ekki ósvipað Yes Minister og Ronald Reagan er góði kallinn. Hefur einhver séð þetta? Þetta hefur verið sýnt á RÚV....

Ég ætla að reyna að fá Stebba til að selja mér þessa spólu....

|Dagga| 14:46

---

sunnudagur, október 19, 2003  

Bókasafnsblogg

Ég hef ákveðið að nota tækifærið og vinna eins og moðerfökker í hinu svokallaða Vetrarfríi okkar MH-inga. Nokkrir Brynjólfar eru ekki tíndir upp úr skítnum. Við erum þó ekki að tala um nein býsn af Ragnheiði, því miður.

Gærkvöld...

...var ánægjulegt. Við Hjalti fórum með mömmu á tónleika í Salnum. Ekki var erindið ónýtt; Valgeir Guðjónsson með Diddú og hljómsveit. Ji. Við sátum alveg á fremsta bekk með nánustu fjölskyldumeðlimum tónlistarmanna sem mömmu leið ekki par vel með. Aftur á móti fílaði ég það í botn, enda voru tónleikarnir alveg príma. Lög Valgeirs við kvæði Jóhannesar úr Kötlum voru náttúrulega í aðalhlutverki en ég ærðist þegar Diddú tók lögin Gæfa og Gjörvileiki og svo náttúrulega mitt all-time-favourite: Nei Sko. Ég átti ekki eitt aukatekið....

Eftir tónleikana fórum við á Oratorsdjamm á Felix og hittum þar fyrir Söndru, Önnu Pálu, Önnu Té og Viggu. Þar voru lögfræðistúdínurnar tvær að fagna því að fyrsta prófið var yfirstaðið. Þær gerðu það með trompi, enda eitthvað strákastúss á þeim báðum. Segi ekki meir.

|Dagga| 14:51

---