föstudagur, apríl 30, 2004  

Manngæskan

Urban Outfitters tengillinn er kominn í lag. Skoðið og slefið.

Hrós dagsins fer vitaskuld til föður míns, enda vorkenndi hann mér við lestur síðustu færslna og ætlar að gefa mér nýja skó. Húrra!

Annars er ég á nálum út af fjölmiðlafrumvarpinu. Langt síðan að eitt deiglumál hefur snert mig svo djúpt; aveg er mér t.d. sama um einhverja Öryrkjadóma. Ókei, kannski ekki alveg, en samt..

Mér bara finnst svo grátlegt að það tók yfirvöld aðeins átján ár að gera út af við frjálsa fjölmiðlun. Það eina sem ég hef á móti Fréttablaðinu er teiknimyndasagan Rocky sem er allskostar ógeðsleg og dónó. Ekkert hundaklám með mínu morgunkorni, SVEI!

|Dagga| 13:46

---

fimmtudagur, apríl 29, 2004  

Smekkur minn er óaðfinnanlegur

Ég vil eiga allt á þessum óskalista Urban Outfitters!

(Lofa að tildurblogga ekki aftur í bráð!)

|Dagga| 15:12

---

miðvikudagur, apríl 28, 2004  

Eymd og volæði

Í dag líður mér illa. Afhverju?

*Ég á engin falleg föt lengur
*Ég er í ljótum fötum í dag, sem áttu upphaflega að vera gott átfit.
*Ég á bara tvenn almenn skópör, og þau eru bæði svört.
*Ég á ekkert sérlega mikið af peningum til að lagfæra mitt bága tískuástand.
*Það eru of mörg útgjöld á næsta leiti.
*Græna kortið mitt rennur út í dag
*Ég kann ekki að skrifa ritgerðir lengur.
*Ég þarf að skila ritgerð á morgun, og það er erfitt!
*Mér finnst Fréttablaðið skemmtilegt blað, og það er kannski að deyja.
*Ég er hrædd um að ná ekki stúdentsprófunum.

Skæl.

|Dagga| 11:32

---

þriðjudagur, apríl 27, 2004  

Gott er að vera léttur í lund

Ég fagna nýlegri staðfestingu á glæsilegri sumarvinnu. Ykkar heittelskaða mun koma til með að stjórna þekktum dægurmálaþætti á Skjá Einum í sumar, ásamt þessum og þessum.

Fagnaðarlætin láta á sér standa í dag og kannski á morgun, allavega á meðan ég druslast til að skrifa þessa lokaritgerð mína. Óvei.

Þessi hljómsveit hlýtur að rokka feitast. Pant eiga þennan ljóshærða.

|Dagga| 13:25

---

mánudagur, apríl 26, 2004  

Fullkominn dagur!

Ég var hress á dimmisjón, eins mátti sá á þessari mynd.

Flott hjól, ekki satt? Og við gerðum allt sjálf. Gerðum byssur eftir blúprintum á netinu og teiknuðum lógó á spreyjaða málningarbúninga. Laaangflottustu búningarnir á svæðinu, að öðrum ólöstuðum. Mér finnst bara eitthvað svo ósjarmerandi við sérsaumaða búninga... þó kærleiksbirnirnir hafi verið fínir. Í heild var dimmisjónin mög eitís. Ghostbusters, Gaggó Vest, Kærleiksbirnir, einstaka Júróvisjonatriði, Rocky Horror.... Mikið af spandexi o.s.frv. Okkar atriði var stutt og laggott, og því miður voru of mörg atriði sem ekki kunnu sér hóf í þessum efnum.

Flottustu atriðin á eftir okkar atriði voru flugmennirnir (ég vildi sjá meira), og tetris-kallarnir fá prik fyrir framtak, en útfærsla búninga var helst til einföld; og svo má ekki gleyma því að félagar sömu aðila höfðu dimmiterað sem Super-Mario bros fyrir jól. Hermikrákur? Ég myndi nú kannski ekki segja það. Gott atriði.

Síðan sá ég bara ekki mikið meira, nema einhverjar asnó kindur, mýs og nornir. Síðan skildist mér að það hafi verið eitthvað Queer Eye for the Straight Guy- atriði. Ég sá nú bara einhverjar stelpur með bindi. En MC-Hammer atriðið var líka súper. Þær stelpur fá stig fyrir að hafa mætt í búningunum um kvöldið.

Ballið er síðan önnur saga.

|Dagga| 13:49

---

 

Kvíðikvíð.

Í morgun lauk ég síðasta leikfimitímanum mínum. Það þýðir að ég þarf aldrei aftur að gera eina armbeygju á ævi minni, svo lengi sem ég kæri mig um. VEI!

En prófin nálgast og einungis ein og hálf vika til stefnu. Fer núna og kaupi mér rautt eðalginseng.

|Dagga| 12:54

---