laugardagur, maí 15, 2004  

ÁFRAM ANJEZA SHAHINI!

|Dagga| 18:13

---

föstudagur, maí 14, 2004  

Fegurðin ein

Var að ljúka við að horfa á bryllupið og er heldur betur ánægð. Nú verður maður samt að fara að gera eitthvað í sínum málum.. kaupi Billedbladet á morgun. Það er rugl að vita ekkert um belgísku konungsfjölskylduna. Mig langar að verða eins og Elísabet Brekkan þegar ég verð stór.

Íslenskt Mónarkí á morgun!!

|Dagga| 16:38

---

fimmtudagur, maí 13, 2004  

Kreisí flott

Ég horfði á Júróvisjón í gær. Já, svei mér þá, ef ég hef nokkurn tímann verið svo vel inn í þessum málum. Ég stóð þar og hvatti mitt fólk, og til allrar hamingju voru úrslitin sanngjörn. Vissulega finn ég til með Dönum og Eistum, en svona er lífið. Helvítis Kýpur og Malta.. eru þetta fullgild þjóðríki, ég bara spyr?

Eitt er þó víst að lagið frá Andorra var helvíti óframbærilegt. Fyrir það fyrsta gat þessi söngkona varla haldið lagi, því hún var of upptekin við að dansa á pinnahælunum sínum. Dansinn minnti mig óneitanlega á Freestylekeppni Tónabæjar 1995. Og illa tenntur andskoti! Allt hæp um þetta lag var heldur betur ómálefnalegt... þið felið ykkur ekki á bak við aum málvísindi! Katalónska smatalónska.

Gísla Marteini fannst Andorra litla eitthvað illa greidd, en þar var ég ósammála honum. En hverjum er ekki sama hvað ljóshærðri frellatímaskekkju finnst? Ætla menn aldrei að gera sér grein fyrir því að engum finnst hann skemmtilegur? Ungu fólki finnst hann asnó og gömlu fólki eflaust líka; eina ástæðan fyrir því að hann fær áhorf er sú að gamalt fólk horfir á sjónvarpið á laugardagskvöldum. Og ekki stillir það á Skjá 1 eða Stöð 2! Eflaust trúir þorri ellilífeyrisþega því að Gísli Marteinn sé átrúnaðargoð ungu kynslóðarinnar, og allir vilja vera hipp og kúl - líka afi og amma.

|Dagga| 16:36

---

miðvikudagur, maí 12, 2004  

Dugnaður á dugnað ofan

Í sumarfríinu hafði ég ætlað mér að taka til í herberginu mínu. Ég held að ég láti það bíða fram að næstu jólum.

Hver haldiði síðan að hafi átt heiðurinn að þessu meistaraverki?

Örugglega ekki ég

|Dagga| 15:47

---

mánudagur, maí 10, 2004  

Ég bara skil ekki nýja blogger!

Rata ekki neitt.. ýti á vitlausum stöðum... og svo vill þetta helvíti ekki endurútgefa síðuna! Blöh!!

Annars er þetta grár og slepjulegur dagur og á ekkert gott skilið!

|Dagga| 17:56

---

sunnudagur, maí 09, 2004  

Mér er illt í maganum

Ég held að mér finnist lúða ekkert sérlega góður matur, allavega gat ég varla kyngt einum munnbita af forláta heilagfiski sem mamma eldaði. Túsjei. En ég gat borðað fullt af ís.

Hver skyldi þessi vera? Pulla? Það linkar enginn á mig án þess að pullast til að kynna sig!!Djók djók.. Ó mér finnst svooo gaman þegar ókunnugir linka á mig.

Hver ætlar annars að halda júróvisjónpartí?

|Dagga| 21:54

---