|
daria * blogg hégómans
|
|
fimmtudagur, ágúst 18, 2005 Djöfuls djö. Einusinni fór ég í próf í háskólanum. Það var kalt úti og ég var hrædd. Ég fékk mér kaffi og varð illt í maganum. Svo tók ég prófið. Ég skrifaði með blýanti og illa í þokkabót, og var eiginlega ekkert búin að læra. Svo kláraði ég prófið. Svo fékk ég einkunn. Svo fór ég að gráta. En nokkrum vikum síðar varð ég glöð og þá varð allt gott. Áðan var ég í sumarprófi til að næla mér í þessar þrjár einingar, tilraun tvö. Og ég skrifaði með penna, en aftur illa, samt reyndi ég að vanda mig. Og svo var mér eiginlega líka illt í maganum vegna þess að ég fékk mér eiginlega aftur kaffi. Og í fyrsta skipti á ævinni fékk ég skyndilega blóðnasir. Dropi féll á prófið, stór fagurrauður dropi sem var bara nokkuð flottur svona nýr, en verður orðinn brúnn og ljótur þegar fróðleiksmolinn fær prófið í hendurnar. En ég held að ég hafi náð. Blóðdropinn er samt alveg næg ástæða til að fella mig. Ég kýli einhvern, ég sver... |Dagga| 12:25 |