fimmtudagur, september 29, 2005  

Hilfe – SOS – ást í neyð... einhver getur bjargað mér...

Dísa er búin að vera með stæla í meira en viku. Þegar maður er að netsörfa í tíma í tómu sakleysi tekur hún upp á því að verða blá, sýnir mér einhverja hvíta stafi sem hverfa svo hratt að ég fæ ekki lesið það sem stendur og slekkur á sér. Þetta gerist svona 5x í röð og sýnir mér síðan einhverjar helv. villumeldingar. (Send information – don´t send dæmið)

Læknavaktin sagði mér að líklega væri þörf á formöttun. Grey Dísa fékk móðurborðinu skipt út í vor og var brýnt að fara í verkefnið þá. Sumrinu fylgdu fyrirheit, og nú er komið haust en enn er Dísa óformöttuð.

Ókei – ég er búin að vista allt og svoleiðis – en ég finn ekki þennan formöttunardisk sem fylgdi með af fæðingardeildinni. Þannig ég spyr:

* Á einhver slíkan disk? Ef svo er, má ég fá að láni? Hvar getur maður nálgast slíkt á núllkrónur?
* Hefur einhver sérþekkingu á þessu sviði? Ef svo er, endilega deilið þeirri vitneskju með mér!
* Vill einhver taka tölvuviðgerð að sér? Mjög, mjög gaman.

Ég bíð óþreyjufull svara.

P.s. ... Djöfull er The Smiths góð hljómsveit. Andskotinn hafi það. Dísa in a coma I know, I know, it´s serious...

|Dagga| 13:14

---

mánudagur, september 26, 2005  

Hvaða Hvaða...

Jónína Ben var eitthvað að væla yfir því að rannsókn á stuldi tölvubréfa hennar skuli ekki vera komin á fullt skrið.

Henni eru gefin þau svör að það sé líklega verið að bíða eftir því að fjármálaráðherra komi heim úr sumarfríi.

Wek?


Myndir frá Londrés og partíi helgarinnar munu birtast hér innan skamms ;)

|Dagga| 14:16

---