þriðjudagur, febrúar 14, 2006  

Nú þarf maður að fara að gera eitthvað af viti...

Ójæja... Kosningar á bak og burt, eftirleikurinn framundan. 4-4-1 líkt og í fyrra, með naumindum. Sjáum til hvernig næsta ár fer, skjótt skipast veður í lofti. Deyfðarárið hið síðasta skapaði enn minni spennu en nokkru sinni í kringum SHÍ-kjör og kjörsókn eftir því.

Dagurinn í 1. sæti í borginni eftir massahresst prófkjör. Verð að segja að það hafi farið smekklega fram og Samfó orðin sófistikeited. Mæli með því að listræn útfærsla kosningabaráttunnar sjálfrar verði endurnýtt frá Degi; bolirnir og merkin voru að gera góða hluti.

Mér finnst þó að Samfó mætti notfæra sér Jafnaðarmannarósina í frekari mæli. Tilheiging til Word-arts boðar aldrei neitt gott. (Hence the Háskólalistinn eða Opinberun Hannesar!)

Annað má þó kannski segja um Clip-art.

Nú er maður samt sestur fyrir framan skruddurnar og lærdómurinn tæklaður. Viðleitnin er a.m.k. mjög góð. Sjónvarpið býður þó upp á heldur girnilegt stöff, t.d. listdans á skautum í day-time dagskrá. Nettar Svetlönur í safírsgöllum láta henda sér upp í loftið og lenda lekkert í fangi hins fima skautaherra. Ég pant kunna!

Er samt Samúel Örn Erlingsson jafnvígur á allt sport er fyrirfinnst hér í þessum heimi? Émeina, hvort sem það er fótbolti, fimleikar, körling eða skautahlaup þá er okkar maður með sitt á hreinu.

Hver vissi til dæmis, að þegar maður hoppar í loftið í listdansi á skautum, þá kallast það einfaldur eða tvöfaldur Alex?

|Dagga| 21:49

---