sunnudagur, október 19, 2003  

Bókasafnsblogg

Ég hef ákveðið að nota tækifærið og vinna eins og moðerfökker í hinu svokallaða Vetrarfríi okkar MH-inga. Nokkrir Brynjólfar eru ekki tíndir upp úr skítnum. Við erum þó ekki að tala um nein býsn af Ragnheiði, því miður.

Gærkvöld...

...var ánægjulegt. Við Hjalti fórum með mömmu á tónleika í Salnum. Ekki var erindið ónýtt; Valgeir Guðjónsson með Diddú og hljómsveit. Ji. Við sátum alveg á fremsta bekk með nánustu fjölskyldumeðlimum tónlistarmanna sem mömmu leið ekki par vel með. Aftur á móti fílaði ég það í botn, enda voru tónleikarnir alveg príma. Lög Valgeirs við kvæði Jóhannesar úr Kötlum voru náttúrulega í aðalhlutverki en ég ærðist þegar Diddú tók lögin Gæfa og Gjörvileiki og svo náttúrulega mitt all-time-favourite: Nei Sko. Ég átti ekki eitt aukatekið....

Eftir tónleikana fórum við á Oratorsdjamm á Felix og hittum þar fyrir Söndru, Önnu Pálu, Önnu Té og Viggu. Þar voru lögfræðistúdínurnar tvær að fagna því að fyrsta prófið var yfirstaðið. Þær gerðu það með trompi, enda eitthvað strákastúss á þeim báðum. Segi ekki meir.

|Dagga| 14:51

---

föstudagur, október 17, 2003  

LOKSINS LOKSINS! 100-listinn minn!

Ég var að rúnta um nokkur blogg um daginn og komst að því að ætli ég að halda áfram ofurbloggmennsku minni yrði ég að gera svona lista. Hann var gerður á hálftíma á þjóðarbókhlöðunni í gærkveldi. Svona er ég nú dugleg....


1. Ég heiti Dagbjört Hákonardóttir og bý Kópavogi
2. Ég bý í laxableikri blokk við hliðina á Smáralind
3. Ég er 19 ára og fædd á því herrans ári 1984
4. Ég er í Menntaskólanum við Hamrahlíð og klára í vor
5. Ég sit í Norðurkjallara
6. Eftir MH ætla ég í lögfræði
7. ...en stefni samt á að verða lögfræðingur litla mannsins
8. Ég hef alltaf búið í Kópavogi, alls þremur mismunandi hverfum
9. Fyrir utan eitt ár í Danmörku þegar ég var sjö ára
10. Mamma mín heitir Kata
11. Ég á eina yngri alsystur og tvo tvíburahálfbræður
12. Elskhugi minn heitir Hjalti Snær Ægisson
13. Ég hef aldrei átt gæludýr, að frátöldum gullfiski systur minnar
14. En mamma drap hann óvart
15. Mig langar í kisu
16. Ég hef verið bloggari síðan sumarið 2002
17. En hóf ekki ofurbloggun fyrr en í byrjun 2003
18. Mamma mín heldur að ég gífurlegur tölvusnillingur og eigi framtíð fyrir mér innan tölvufræða
19. Ég leyfi henni að halda það
20. Frægasti maður sem ég hef talað við er án efa Damon Albarn.
21. Það er mjög ómerkilegt í sjálfu sér
22. Mamma hefur hinsvegar hitt Eric Cantona
23. Mig langar mest til að spjalla við George W. Bush eða Yoko Ono
24. Sumir segja að ég líkist Audrey Hepburn eða Winonu Ryder
25. Það er rugl. Ég vil líkjast Dolly Parton
26. Uppáhalds kvikmyndin mín er m.a. The Royal Tenenbaums
27. Ég elska Spilverk Þjóðanna, og Bítlana.
28. Tónlistarsmekkur minn er óaðfinnanlegur
29. Ég er alger subba
30. Ég er líka löt
31. Ég er mjöööööööög óstundvís og sein
32. Þó ekki jafn sein og mamma eða Anna Pála
33. Ég kann á þverflautu
34. Ég er í MH kórnum og er sópran
35. Sumir segja að ég sé Alt-karakter
36. Ég er þeim hjartanlega ósammála
37. Ég hef farið til Skotlands og Filippseyja með kórnum
38. Annars hef ég komið til Danmerkur, Svíþjóðar, Englands, Póllands, Bandaríkjanna, Kanada, Austurríkis, Þýskalands, Ítalíu, Spánar, Portúgal og Malasíu
39. Mér finnst afspyrnu leiðinlegt í flugvél
40. Mér finnst Ísland besta land í heimi
41. Ég er alger antísportisti
42. Var þó mjög hæfileikarík ballerína sem barn
43. Ég er stundum að fikta við pólitík
44. Ég trúi því ennþá að bangsar og dúkkur lifni við á nóttunni
45. Ég er gjaldkeri Ungra Jafnaðarmanna, og er því í framkvæmdastjórn
46. Ég kann ekki á bókhald
47. Ef það væri til formlegur aðdáendaklúbbur Ingibjargar Sólrúnar væri ég í honum.
48. Annað má þó segja um manninn með slaufuna (hóst)
49. Ég ætla ekki á þing
50. Uppáhaldsmaturinn minn er brauð með osti
51. En ég kann alveg að gera gott risotto
52. Ég á fína fartölvu
53. Mér finnst óþægilegt að ganga í buxum
54. Enda er ég yfirleitt í pilsum
55. Mér finnst ekkert sérlega gaman að hanga á kaffihúsum
56. ..nema þegar það er eitthvað mönts í gangi eða skemmtilegur sessunautur á staðnum
57. Mér finnst hinsvegar ógeðslega gaman að fara i bíó
58. Ég á 56k internettengingu því móðir mín skilur ekki tölvur og er borgunarmanneskjan á heimilinu
59. Ég nota skóstærð númer 35 og hálft
60. Ég er 164 cm
61. Mér finnst fátt skemmtilegra en að fara í útilegu eða sumarbústað með skemmtilegu fólki
62. Þegar ég verð gömul ætla ég ekki að gera neitt nema spila bridds
63. Ef ég ætti dóttur héti hún Gvendólína; ég myndi samt kalla hana Línu
64. Ég er stundum í Fréttablaðinu um helgar að tala skít
65. Ég er frekar nærsýn
66. Ég á flott kisugleraugu en nota eiginlega alltaf linsur
67. Mér finnst gott að hanga í heitum potti
68. Einusinni leið næstum yfir mig í Kópavogslaug
69. Ég hef handleggsbrotnað í strætó
70. Ég hef líka brákað á mér handlegginn þegar ég var að horfa á úrslitaviðureign spurningakeppni framhaldsskólanna árið 1989
71. Í 9. bekk var ég gagntekin af Friends
72. Það komst á hættulegt stig
73. Ég er ennþá að jafna mig, en er þó manna fróðust um þessa þætti
74. Ég veit að það er asnalegt
75. Mér finnst silfrað Extra best
76. Ég fæ grænar bólur ef ég hlusta á söngkonuna Anastaciu
77. Ég naga á mér neglurnar
78. Ég reyndi einusinni að stofna hljómsveit sem hét Skúffukaka
79. Mér er það líffræðilega ómögulegt að spila á gítar, trommur eða píanó
80. Einusinni vann ég söngkeppni Smáraskóla
81. Ég vil kalla mig femínista
82. Ég á grænt Baby-G tölvuúr
83. Mér alltaf kalt á puttunum
84. Ég drekk frekar kók en pefsí
85. Ég brýt allar siðferðilegar reglur sem mér eru settar
86. Stundum sé ég eftir því, yfirleitt samt ekki
87. Ég safna uglum og ljótum skóm
88. Ég vinn á Bókasafni Kópavogs
89. Það er ágætis vinna
90. Ég vil að Ísland gangi inn í Evrópusambandið
91. Mér finnst bleik lakkrísrúlla betri en gul
92. Það tekur mig u.þ.b. 24 sekúndur að borða slíka í einum munnbita
93. Það er Mararþaraborgarmet í kvennaflokki
94. Ég trúi á framhaldslíf
95. Ég var ábyggilega gyðingur í fyrra lífi
96. Eða kisa
97. Ég borða ekki banana
98. Ég er mesta svefnpurka í heimi
99. Ég kem aldrei neinu í verk
100. Nema þá egósentrískum hlutum eins og þessum lista....

|Dagga| 16:02

---

þriðjudagur, október 14, 2003  

Líðan í dag er afspyrnu slæm.

Ég er reyndar laus við allan hita sem eitthvað var að láta á sér kræla í gær en ónæmiskerfið er samt sem áður að bregðast mér. Til dæmis er ég búin að fá hálsbólgu dauðans og svakalegan varaherpes. Ekki dónalegan herpes, þó, sem betur fer! Þannig hef ég aldrei fengið.

Frunsan er þó óðum að hverfa og röddin mín líka. Bráðum þarf ég að láta bora gat á hálsinn á mér og fá svona raddgervil. Tja, maður gæti allteins farið á Reykjalund eða Vífilsstaði! Miðað við hvernig ég hljóma í dag ætla ég að láta alla munnlega tjáningu vera í dag. Svei já.

Senn koma jólin og ekkert hefur heyrst frá Holtagörðum í ár. Hvað er eiginlega í gangi.. komið langt fram í október! Ég veit ekki hvað kaupmenn landsins eru að pæla. Allavega er ég byrjuð á piparkökuhúsinu!

|Dagga| 14:34

---